UNIK er Unglingastarf Íslensku Kristskirkjunnar. Starfið er fyrir alla krakka og ungt fólk frá 13 ára aldri sem vilja hittast og eiga samfélag við Guð og hvert annað. Samkomur eru haldnar á föstudagskvöldum kl. 20 í Íslensku Kristskirkjunni, Fossaleyni 14 í Grafarvogi.

​

Samkomurnar eru stútfullar af gleði og kærleika. Við lofum Guð saman, fáum skemmtilega og uppbyggjandi fræðslu, lesum úr Orðinu og skemmtum okkur saman

​

Á hverju sumri er farið á einstaklega skemmtilegt mót á austurlandi sem kallast VISBÓ. Þetta er vikulangt mót á Eyjólfsstöðum sem er gistiheimili í eigu kirkjunnar rétt fyrir utan Egilsstaði. Þetta mót er af flestum talið hápunktur starfsins og er viðburður sem enginn má missa af. Á vorin er svo haldið MINIBÓ mót og stendur það yfir eina helgi. Á svona mótum þjappast hópurinn ennþá meira saman, við kynnumst nýju fólki, fáum dýpri og meiri fræðslu ásamt því að syngja, lofa Guð, hlæja og skemmta okkur saman

​

Starfið er sífellt að þróast og alltaf erum við að leita að nýjum, hæfileikaríkum einstaklingum, til þess að láta ljós sitt skína fyrir Guð. Þjónusta birtist með margbreytilegum hætti – brosið þitt gæti einmitt verið það sem vantar í hópinn. 
​
Láttu sjá þig, við tökum vel á móti þér!